«Մինչ այս պահը չկան, ծվարել են ոստիկանության շվաքի տակ»․ Մանուկ Սուքիասյան

Ինչպես հայտնել ենք՝ այսօր ժամը 15։00 բողոքի ակցիա էր նախատեսված Գյումրիում՝ ընդդեմ ռուսական ռազմաբազայի։

«Մայր Հայաստան» շարժման անդամները ևս Գյումրիում են՝ հաջակցություն102-րդ ռազմաբազայի․ «Մեր այստեղ լինելը հարկադրել է նրանց՝ մնալ թաքստոցներում։ Էդքան դուխ չունեն, որ դուրս գային, ժամը 15։00 էր նախատեսված իրենց ակցիան։ Իշխանության պատվերով թուրքական 5-րդ շարասյան գաստրոլները հանրության կողմից անընդունելի են։ Մեր ակցիան հասավ իր նպատակին, հարկադրեցինք, որ ծվարեն ոստիկանության շվաքի տակ։ Մինչ այս պահը ծվարած են, սովոր չեն շոգին, պայքարին»,- ասաց Երևանի ավագանու «Մայր Հայաստան» խմբակցության անդամ Մանուկ Սուքիասյանը։

Այնուհետև նրանք հայտնեցին, որ բողոքի ակցիայի մասնակիցները հեռացել են՝ տեսնելով իրենց։