Մտքներովս չի անցել, որ կարող էր հարց առաջանալ, թե ինչու 36 ստորագրություն չի, այլ 33 է. Արծվիկ Մինասյանը նշեց՝ Իշխան Զաքարյանին չեն էլ դիմել
- Elen Hovsepyan
- Jun 11, 2024
- 1 min read
Մտքներովս չի անցել, որ կարող էր հանրության մոտ հարց առաջանալ, թե ինչու 36 ստորագրություն չի, այլ 33 է. լրագրողների հետ զրույցում ասաց ԱԺ «Հայաստան» խմբակցության քարտուղար Արծվիկ Մինասյանը:
Նա նկատեց, որ այն նախագծի համար, որ ներկայացվել է, անհրաժեշտ էր 27 ընդդիմադիր պատգամավորի ստորագրություն։
Արծվիկ Մինասյանը նշեց, որ Իշխան Զաքարյանին չեն էլ դիմել, իսկ մյուս երկու պատգամավորները՝ Տարոն Մարգարյանը և Մարտուն Գրիգորյանը տեխնիկական պատճառով է, որ չեն ստորագրել, սգո արարողության մասնակցության պատճառով։
Մինասյանն անդրադարձավ Իշխան Զաքարյանի հայտարարությանը, որում ասում էր. «Գնացեք ՔՊ-ից էլ 18 ձայն բերեք, 53 ձայն հավաքեք, համարեք՝ ես կմիանամ ձեզ»:
«Սա ի՞նչ է նշանակում: Երևի թե պարոն Զաքարյանը պիտի բացատրի, 36 ստորագրության դեպքում դնու՞մ է իր ստորագրությունը, թե՞ ոչ»,-ասաց նա։
Արծվիկ Մինասյանի գնահատմամբ, Իշխան Զաքարյանի ասածն այն է, որ եթե հանրային ճնշման ներքո կամ բանակցությունների միջոցով ընդդիմադիրները կարողանան ապահովել ՔՊ-ից որոշակի հատվածի ստորագրություն, ապա ինքն էլ կմիանա գործընթացին:
