Թուրքիան սպասում է Ռուսաստանի, ԱՄՆ-ի և Ուկրաինայի առաջնորդների հանդիպմանը

Թուրքիան դեռևս հստակ տեղեկություն չունի Ռուսաստանի, ԱՄՆ-ի և Ուկրաինայի առաջնորդների մասնակցությամբ իր տարածքում հնարավոր հանդիպման մասին, սակայն շարունակում է սպասել նման իրադարձության, РИА Новости-ին հայտնել է թուրքական դիվանագիտական աղբյուրը։

Թուրքիայի նախագահ Ռեջեփ Թայիփ Էրդողանն ավելի վաղ ասել էր, որ առանց բարձր մակարդակի բանակցությունների անհնար է հասնել կոնկրետ արդյունքների հակամարտության կարգավորման գործում։ Անկարան ավանդաբար ներկայանում է որպես միջնորդ Մոսկվայի և Կիևի միջև՝ հիմնվելով «հացահատիկային գործարքի» և մարդասիրական նախաձեռնությունների իրականացման իր փորձի վրա։ Էրդողանը հայտարարել է, որ Անկարայի նպատակը Ուկրաինայի հարցով հանդիպում անցկացնելն է առաջնորդների մակարդակով և այդ մասին տեղեկացրել է ԱՄՆ նախագահ Դոնալդ Թրամփին։