ԱԺ պատգամավորներն անտեսել են Կոռուպցիայի կանխարգելման հանձնաժողովի անդամների ընտրության քվեարկությունը

Հայաստանի Ազգային ժողովի պատգամավորները հուլիսի 11-ին չեն մասնակցել Կոռուպցիայի կանխարգելման հանձնաժողովի անդամների ընտրության գաղտնի քվեարկությանը։

Խորհրդարանի արտահերթ նիստում քննարկվել է վերոնշյալ հանձնաժողովի անդամների ընտրության հարցը։ Թափուր պաշտոնի համար առաջադրվել են փաստաբաններ Նարինե Ավետիսյանի և Վաղարշ Աղաբեկյանի թեկնածությունները։

Գաղտնի քվեարկությունը սկսվել է 17:30-ին և շարունակվել մինչև 18:00-ն։ Պատգամավորներից ոչ մեկը, սակայն, չի մոտեցել քվեատուփերին։

Այսպիսով, Հայաստանի խորհրդարանը չկարողացավ ընտրել Կոռուպցիայի կանխարգելման հանձնաժողովի անդամներին։