Կարևոր և յուրահատուկ խաղ է լինելու մեզ համար․ Ալոնսո

Լևերկուզենի «Բայերի» գլխավոր մարզիչ Խաբի Ալոնսոն խոսել է Գերմանիյի Բունդեսլիգայի վերջին՝ 34-րդ տուրում «Աուգսբուրգի» հետ սպասվող հանդիպման մասին։ Չպարտվելու դեպքում «Բայերը» պատմական ցուցանիշ կգրանցի դառնալով առաջին թիմը, որն անպարտելի է ամբողջ մրցաշրջանի ընթացքում։

Գերմանական թիմը բոլոր մրցաշարերում արդեն անպարտելի է 50 խաղ, ինչը բացարձակ ռեկորդ է Եվրոպայում։

Բացի այս խաղից, «Բայերը» Եվրոպա լիգայի եզրափակիչում մրցելու է «Ատալանտայի», իսկ Գերմանիայի գավաթի եզրափակիչում՝ «Կայզերսլաուտերնի» հետ։

«Վաղը կարող է պատմական լինել։ Մենք ցանկանում ենք մնալ անպարտելի և լինել առաջին թիմը Բունդեսլիգայում, որը մրցաշրջանը կանցկացնի առանց պարտության: Վաղը երեք եզրափակիչներից առաջինն է լինելու։

Կարևոր և առանձնահատուկ խաղ է լինելու մեզ համար: Մինչ գավաթը ստանալը, մենք դեռ 90 րոպե ունենք խաղալու համար: Մենք, իհարկե, անհամբեր սպասում ենք խաղից հետո մեր երկրպագուների հետ հաջողությունը տոնելուն»,- ասել է Ալոնսոն նախախաղային ասուլիսի ժամանակ։