Ավելի քան 100 մարդ զոհվել է Գազա քաղաքում դպրոցի դեմ իսրայելական գրոհի ժամանակ. Al Jazeera

Ավելի քան 100 մարդ զոհվել է Գազա քաղաքի կենտրոնում դպրոցի դեմ իսրայելական գրոհի ժամանակ, տեղեկացրել է Al Jazeera-ն։

Կատարյան ԶԼՄ-ի տեղեկացմամբ՝ ռումբն ընկել է դպրոցի վրա լուսաբացին, Դարաջ շրջանում, առավոտյան աղոթքի ժամանակ։

Տեղի ԶԼՄ-ները տեղեկացնում են, որ դպրոցում հրդեհ է սկսվել, եւ փրկարարներն աշխատում են տեղայնացնել այն։

Իսրայելական բանակն (ՑԱԽԱԼ) իր հերթին հայտնել է, որ հարվածել է ՀԱՄԱՍ-ի հրամանատարական կետին, որը խմբավորումը կազմակերպել է Գազա քաղաքի դպրոցում, որտեղ ապաստան էին գտել պաղեստինցի խաղաղ բնակիչներ։

ՑԱԽԱԼ-ի հայտարարության համաձայն՝ ՀԱՄԱՍ-ի գրոհայինները թաքնվել էին Գազա քաղաքի Դարաջ շրջանում, Ալ-Թաբաին  դպրոցում, որտեղից «ահաբեկչական գործողություններ էին իրականացնում ՑԱԽԱԼ-ի ուժերի եւ Իսրայելի քաղաքացիների դեմ»։