Միլանի «Ինտերի» ղեկավարությունը դիտարկում է այս ամիս Իտալիայի չեմպիոն «Նապոլիի» արգենտինացի հարձակվող Ջովանի Սիմեոնեին ձեռք բերելու տարբերակը, հաղորդում է RAI Sport-ը։

«Ինտերի» մարզչական շտաբը դժգոհ է պահեստային հարձակվողներ, չիլիացի Ալեքսիս Սանչեսի եւ ավստրիացի Մարկո Արնաուտովիչի խաղամակարդակից եւ փնտրում է փոխարինողի։

Ջովանի Սիմեոնեն եւս ցանկանում է փոխել ակումբը եւ պատրաստ է ձմեռային տրանսֆերային պատուհանի ժամանակ հեռանալ իտալացի Վալտեր Մացարիի գլխավորած թիմից։

Ընթացիկ մրցաշրջանում Ջովանի Սիմեոնեն «Նապոլիի» հետ բոլոր մրցաշարերում մասնակցել է 20 հանդիպման, խփել է 2 գոլ։

Ջովանի Սիմեոնեի հայրը՝ Մադրիդի «Աթլետիկոյի» գլխավոր մարզիչ Դիեգո Սիմեոնեն «Ինտերում» հանդես է եկել 1997-1999 թվականներին։