Փաշինյանը որտեղ գնում է, վարչապետը հրաժարական է տալիս. Հուսանք՝ իր վերադարձից հետո ՀՀ վարչապետն էլ նույնը կանի.Ղազարյան
- Elen Hovsepyan
- Feb 16, 2024
- 1 min read
Վարչապետը հանրային ծառայող է, որը պարտավոր է մատուցել որակյալ հանրային ծառայություններ. Եթե նա ի վիճակի չէ դա անելու, հակառակը, իր պաշտոնավարումը դառնում է հազարավոր մարդկանց մահվան պատճառ, հայրենազրկման պատճառ, միլիարդավոր դոլարների վնաս է պատճառում մեր պետությանը, այստեղ չպետք է անգամ քննարկվի՝ ինքը պետք է այդ որոշումը կայացնի, թե ոչ: Այս մասին այսօր՝ փետրվարի 16-ին, մամուլի ասուլիսի ժամանակ նշեց «Միասին» շարժման անդամ Էդգար Ղազարյանը:
«Ամենեւին պարտադիր չէ, որ միլիոնավոր մարդիկ դուրս գան փողոց եւ դա պահանջեն, եթե ղեկավարը տեսնում է, որ իր ի վիճակի չէ իրականացնել իր կարգախոսներն ու ծրագրերը, նա պարտավոր է հեռանալ: Իսկ եթե նա այդ գիտակցությունը չունի, մենք պետք է օգտվենք օրենքով ընձեռնված այլ հնարավորությունից:
Իր հետ մի բան է տեղի ունենում. Գնաց Վրաստան, հաջորդ օրը Վրաստանի վարչապետը հրաժարական տվեց, գնաց Ղազախստան, Ղազախստանի վարչապետը հրաժարական տվեց: Հիմա գնացել է Մյունխեն, չգիտենք՝ ինչ կկատարվի, բայց հուսանք, որ Հայաստան գալուց հետո Հայաստանի վարչապետը հրաժարական կտա»,-ասաց նա:
