Մադրիդի «Ռեալի» գլխավոր մարզիչ Կարլո Անչելոտին աջակցել է թիմի վինգեր Վինիսիուս Ժունիորին, որը մի քանի կոնֆլիկտային իրավիճակների մեջ է հայտնվել «Ատլետիկոյի» հետ Իսպանիայի Գավաթի 1/8 եզրափակչի խաղում (4:2):

«Վերջին անգամ ես խոսել եմ նրա հետ երեքշաբթի։ Ես շնորհակալություն եմ հայտնել իր կատարած աշխատանքի և Իսպանիայի Սուպերգավաթի եզրափակիչում հեթ-տրիկի համար: Մենք պետք է շնորհակալություն հայտնենք նրան այն ամենի համար, ինչ նա անում է, չնայած կան բաներ, որոնց վրա պետք է աշխատել»,- Անչելոտիի խոսքն է մեջբերել Mundo Deportivo-ն։

Հիշեցնենք, որ «Ատլետիկոյի» հետ խաղում Վինիսիուսը վիճաբանության մեջ էր մտել մրցակցի կիսապաշտպան Ռոդրիգո Դե Պոլի հետ։ Բրազիլացի ֆուտբոլիստը կոնֆլիկտ է ունեցել նաև մրցակցի գլխավոր մարզիչ Դիեգո Սիմեոնեի հետ։

Լրատվամիջոցների տեղեկություններով՝ այս կոնֆլիկտի ժամանակ Վինիսիուսը վիրավորել է արգենտինացի մասնագետի մորը։