Ռեֆորմիստների կուսակցության նախագահ Վահան Բաբայանը ֆեյսբուքյան իր էջում գրել է. «Վերջին հնգամյակում այդպես էլ առաջնորդ առաջ չեկավ:

Սա լուրջ մտածելու բան է, որ մտածողները չեն մտածում կամ իրենց երևի թվում է՝ իրենք էլ են առաջնորդ, դրա համար չեն մտածում: Ծաղրածուների պակաս էլ չզգացինք:

Միշտ ասել եմ, կրկին ասում եմ՝ բացի Սերժ Սարգսյանից, այսօր ռեալ չկա ու չի լինելու այլընտրանք:

Այս տարիների քաղաքական բանավեճը միայն Սերժ Սարգսյանի հետ է, այն ամենը, ինչում մեղադրում էին Սերժ Սարգսյանին, հերիք չի որ շատ հեռու էր իրականությունից, արեցին իրենք իրենց ձեռքերով, ովքեր եկան իշխանության:

Դրսի բոլոր կենտրոններն այս տարիներին որևէ առաջնորդի այդպես էլ չճանաչեցին որպես լուրջ այլընտրանք: Ու ի վերջո ումից իշխանությունը խլեցին, նա էլ արդարացիորեն մնում է հիմնական կարող ուժը, ով հերիք չի որ այլևս ապացուցելու բան չունի իր քաղաքականության ճշմարտացիության մասին, նաև մարդկանց մոտ է առաջացել հարց, «բա եթե իմանայինք, որ ամեն ինչ սենց պետք է լինի, բա մենք դուրս կգայինք Սերժի դեմ»: Ու սա դեռ ամենա պրիմիտիվ հարթության մեջ նայելով կարելի է ենթադրել:

Քանի դեռ այսպես կոչված ընդդիմադիր դաշտը չի ընդունում էս իմ ասած թեզը, չի լինելու որևէ հաջողություն. Նիկոլը հավերժ մնալու է իշխանության»: