«Պուտինը և Սի Ցզինպինը ակտիվ և կանոնավոր երկխոսություն են վարում». Սերգեյ Շոյգու

Ռուսաստանի նախագահ Վլադիմիր Պուտինը և Չինաստանի նախագահ Սի Ցզինպինը ակտիվ երկխոսություն են վարում և այն կանոնավոր կերպով կշարունակեն այս տարի, հայտարարել է Ռուսաստանի Անվտանգության խորհրդի քարտուղար Սերգեյ Շոյգուն Չինաստանի արտաքին գործերի նախարար Վան Իի հետ բանակցություններից հետո։

Կիրակի օրը Շոյգուն ժամանել է Չինաստան՝ Վան Իի հետ բանակցությունների համար։ «Մեր պետությունների ղեկավարները պահպանում են բարեկամական հարաբերություններ և շատ ակտիվ երկխոսություն են վարում։ Հետևաբար, բնական է, որ նման շփումները կանոնավոր կերպով կշարունակվեն այս տարի»,- Շոյգուի խոսքերն է մեջբերել Ռուսաստանի Անվտանգության խորհրդի մամուլի ծառայությունը։

Շոյգուի խոսքով, Վան Իի հետ իր բանակցությունները շատ ինտենսիվ են եղել։

«Մենք քննարկել ենք շփումների ժամանակացույցը, այդ թվում՝ ամենաբարձր մակարդակով»,- նշել է նա։

Նրանց մամուլի ծառայությունը նաև անդրադարձել է աշխարհի տարբեր տարածաշրջաններում տեղի ունեցող զարգացումներին, որոնք ազդում են ինչպես Մոսկվայի, այնպես էլ Պեկինի շահերի վրա։