«Նաիրյան» վոկալ անսամբլը ներկայացրել է նոր մշակում` «Դերունց ծյորումը»

«Նաիրյան» վոկալ անսամբլը ներկայացրել է նոր մշակում` «Դերունց ծյորումը»: Երգը ձայնագրվել և տեսահոլովակը նկարահանվել է Հ․ Հովնանյան ընտանեկան հիմնադրամի աջակցությամբ և նվիրված է Արցախի երաժշտական ժառանգության պահպանմանը։

Նախատեսվում է արցախյան մի շարք երգերի ձայնագրում, նոտագրում և բազմաձայնում։

Մշակումը՝ «Նաիրյան» վոկալ անսամբլի, գեղ. ղեկ.` Նաիրա Մուղդուսյան:

Երաժշտությունը` Գուսան Բագրատի, խոսքը` Վազգեն Օվյանի:

Հնչյունային օպերատոր` Գարեգին Ամյան:

Ծրագիրն իրականացվում է Մուղդուսյան արվեստի կենտրոնի կողմից։

Երգը անսամբլի համար երգել է Արցախից բռնի տեղահանված Սիրուն Բաղդասարյանը։

Արցախյան բարբառը յուրացնել օգնել է Լարա Սարգսյանը, ով նույնպես տեղահանվել է Արցախից։

Երգի բառերը`

Մին օր քեցե, տեսնամ Դերունց ծյորումը,

Մին ղաշանգ աղջիկ կանաչ-կյարմուր շորումը,

Կասիմ՝ ախչի, հուվը՜ս, հինչո՜ւ շոռ կկյաս,

Տու իմ սազե երե դամեն տուր կկյաս:

Կասիմ՝ տղա, ախչին քու հյար, քու մար ա,

Ինձ ասում ըն Մանաս Դայունց Թամարա,

Սազետ սիմին կրոտալ չում, լյավ ըսկաց,

Տոն ըմ քյինամ, իմ հըղըցան ղըրաղ կաց:

Թա օզում ըս ինձ ծեր տոնը հարս տանիս,

Վախում ում, թա տանիս, ետնան փուշմանիս:

Իմ հյար սար ա, տու էդ մինը գիդա պարզ,

Դրա թոփեն տու կարել չըս տեմ կենաս:

Վեր սիրում ում քու հյար էլ կյա, քու մար էլ,

Զոռավ էլա՝ պիտի տանիմ, այ իմ սեր,

Ես փոխել չում քա հոր խըլքը քու մազին,

Վեղիս քու հոր տեմուտերտակ կընդազին:

Սերը սեր ա, սերը երգ ա ու գինի,

Ծերքըդ ինձ տո, իմ սերը թող քեզ ինի: