«Որոշել եմ Եվրոպական խորհրդի արտահերթ նիստ հրավիրել»․ Կոշտա
Jan 19
1 min read
Գրենլանդիայի շուրջ ստեղծված իրավիճակի ֆոնին, Եվրոպական խորհրդի նախագահ Անտոնիո Կոշտան հայտարարել է առաջիկա օրերին Եվրոպական խորհրդի արտահերթ նիստ հրավիրելու իր մտադրության մասին։
«Հաշվի առնելով վերջին զարգացումները՝ որոշել եմ հրավիրել Եվրոպական խորհրդի արտահերթ նիստ»,- գրել է Կոշտան X-ի իր էջում։
Ավելի վաղ նա հայտարարել էր, որ ԵՄ-ն պատրաստում է անդամ պետությունների համատեղ պատասխան՝ ԱՄՆ նախագահ Դոնալդ Թրամփի կողմից եվրոպական մի քանի երկրների նկատմամբ մաքսատուրքերի սահմանման հայտարարությանը։
Politico-ն, հղում կատարելով ԵՄ պաշտոնյայի և դիվանագետի, հաղորդում է, որ հանդիպումը նախատեսված է հունվարի 22-ին:
