Բռնցքամարտի ԱԱ․ մրցումային 4-րդ օրը հաջող է մեկնարկել Հայաստանի հավաքականի համար
- Elen Hovsepyan
- 6 hours ago
- 1 min read
Բռնցքամարտի աշխարհի առաջնության մրցումային 4-րդ օրը հաջող է մեկնարկել Հայաստանի հավաքականի համար։
63.5 կգ քաշային կարգում հանդես եկող Նարեկ Հովհաննիսյանը վստահ ելույթ է ունեցել՝ առավելության հասնելով Հնդկաստանը ներկայացնող Շուբամի նկատմամբ։ Այս հաղթանակով Հովհաննիսյանը հաջող սկիզբ է ապահովել մեր ընտրանու համար։
Հայաստանի հավաքականի մյուս ներկայացուցիչները պայքարի մեջ կմտնեն երեկոյան մրցահերթում։ Ժամը 21:00-ից սկսած իրենց մենամարտերը կանցկացնեն 57 կգ քաշային Ժիրայր Սարգսյանն ու 71 կգ քաշային Արարատ Հարությունյանը։
