«2025թ․ մահացել է 30 զինծառայող, ունեցել ենք ծառայության հետ կապված 6 մահվան դեպք»․ Սուրեն Պապիկյան
- Elen Hovsepyan
- 2 hours ago
- 1 min read
«Այս հարցը պարզաբանման կարիք ունի»,- այս մասին ԱԺ–ում հարցուպատասխանի ժամանակ նշեց պաշտպանության նախարար Սուրեն Պապիկյանը՝ անդրադառնալով դիտարկմանը, որ օրեր առաջ պատգամավոր Թագուհի Թովմասյանը հարցապնդում է արել, որ 2025 թվականին բանակում ունեցել ենք 30 զոհ։
«Հասկանում եմ, որ շատ դեպքերում զոհերի և մահերի հարցը շահարկելը, որոշ քաղաքական գործիչների կամ քաղաքական թիմերի, իրենց կարծիքով կարող է բերել ինչ-որ քաղաքական հաջողություններ և դիվիդենտներ, բայց սա, մեղմ ասած, սարսափելի և նողկալի է։
2025 թվականին ծառայության հետ կապված ունեցել ենք մահվան 6 դեպք, որից մեկը կայծակնահարության, մեկը հոսանքահարման, երկուսը, ցավոք, ինքնասպանության և երկուսը՝ առողջական խնդիրներով։ 2025 թվի հունվարի 1-ից մինչև դեկտեմբերի 31-ն ընկած ժամանակահատվածում մահացել, զոհվել է 30 զինծառայող, բայց դա չի նշանակում, որ 30 մահերը բոլորը զոհեր են։ Խոսքը նաև կենսաբանական մահերի մասին է։ Եվ 24-ը՝ ծառայության հետ չկապված հանգամանքներում մահվան դեպքերն են, այդ թվում՝ նաև հիվանդություններից, տարբեր դժբախտ պատահարներից»։
