Եվրոպան արդյունավետ կապեր է կառուցում Կենտրոնական Ասիայի հետ Ադրբեջանի, Հայաստանի և Թուրքիայի միջոցով. Մարթա Կոս

Այսօր մենք տեսնում ենք, թե որքան կարևոր և ճիշտ էր Եվրոպական հանձնաժողովի կողմից նոր Սևծովյան ռազմավարություն մեկնարկելու որոշումը: Այս ռազմավարության մի մասը կապի օրակարգն է։ Եվրոպան ավելի արդյունավետ կապեր է կառուցում Կենտրոնական Ասիայի հետ՝ Ադրբեջանի, Հայաստանի և Թուրքիայի միջոցով։ Այս մասին ասել է ընդլայնման հարցերով եվրահանձնակատար Մարթա Կոսը՝ Լյուքսեմբուրգում ԵՄ արտաքին գործերի նախարարների հանդիպումից առաջ։

«Մենք ցանկանում ենք ավելի ամուր կապեր ստեղծել Եվրոպայի և Կենտրոնական Ասիայի միջև: Խոսքը առևտրի և էներգետիկայի մասին է: Մենք տեսնում ենք, թե որքան խոցելի ենք այսօր, երբ հյուսիսում առևտրային ուղիները փակվում են Ռուսաստանի կողմից, երբ հարավում առևտրային ուղիները խաթարվում են Իրանի պատերազմի պատճառով։

Հետևաբար, այն երթուղին, որն այժմ հասանելի է, հենց այն է, ինչ մենք դիտարկում ենք որպես կապի օրակարգի մաս: Այսպիսով, այսօր մենք կքննարկենք, թե ինչպես լավագույնս համագործակցել Հարավային Կովկասի երկրների հետ, հատկապես իմ նշած երեք երկրների՝ Հայաստանի, Ադրբեջանի և Թուրքիայի հետ, որտեղ մենք արդեն ունենք կոնկրետ նախագծեր, որոնցից կարող ենք սկսել», - ասել է Մարթա Կոսը։