Թրամփը հանձնարարել է արագ պլանավորել Պուտինի և Զելենսկու հետ հանդիպումները
- Elen Hovsepyan
- Aug 7
- 1 min read
ԱՄՆ նախագահ Դոնալդ Թրամփը կոչ է արել իր թիմին արագ գործել ՌԴ նախագահ Վլադիմիր Պուտինի և Ուկրաինայի նախագահ Վլադիմիր Զելենսկու հետ հանդիպումների պլանավորման հարցում, հաղորդում է CNN-ը՝ հղում անելով Սպիտակ տան պաշտոնյաներին։
«Թրամփի օգնականները անմիջապես սկսել են պլանավորել հանդիպումները։ Չնայած նախագահական ուղևորությունը և երկու համաշխարհային առաջնորդների հետ կարևոր հանդիպումը պլանավորելու համար սովորաբար ժամանակ է պահանջվում, պաշտոնյաները նշել են, որ Թրամփը կոչ է անում իր թիմին արագ գործել», - ասվում է հրատարակության մեջ։
Հիշեցնենք՝ Թրամփը մտադիր է անձամբ հանդիպել Պուտինի հետ հաջորդ շաբաթ, իսկ դրանից կարճ ժամանակ անց՝ եռակողմ բանակցություններ վարել Զելենսկու հետ։
