Ընտրություններին ընդառաջ ՀՀ-ում ժողովրդավարական դիմադրողականության ավելացման ուղղությամբ ավելացվող ջանքերի համար շնորհակալ ենք ԵՄ ղեկավարությանը. Գրիգորյանը՝ Մարթա Կոսին

Հանձնակատար Կոսի միջոցով մեր երախտագիտությունն ենք հայտնել ԵՄ ղեկավարությանը՝ առաջիկա խորհրդարանական ընտրություններին ընդառաջ Հայաստանում ժողովրդավարական դիմադրողականության ավելացման ուղղությամբ ավելացվող ջանքերի և ուշադրության համար: Այս մասին Մարթա Կոսի հետ հայտարարությունների ընթացքում ասել է  ՀՀ փոխվարչապետ Մհեր Գրիգորյանը:

«Ինձ համար մեծ պատիվ է այսօր հյուրընկալել ԵՄ ընդլայնման հարցերով հանձնակատար Մարթա Կոսին և իր գլխավորած պատվիրակությանը: Մարթա Կոսը վերջին 6 ամիսների ընթացքում երկրորդ անգամ է աշխատանքային այցով գնտվում մեր երկրում, ինչը Հայաստանի և Եվրոպական միության միջև ընդլայնվող գրծընկերության վառ վկայականն է:

Այս այցը նշանակալի է Հայաստանի և Եվրոպական Միության միջև բոլոր ուղղություններով, համագործակցության խորացման առումով՝ հաշվի առնելով նաև այն փաստը, որ այն տեղի է ունենում Երևանում կայանալիք Եվրոպական քաղաքական համայնքի և Հայաստան-ԵՄ գագաթաժողովներին ընդառաջ: Այսօր մենք հանգամանալից անդրադարձանք Հայաստանում շարունակվող բարեփոխումների ընթացքին, որոնք բխում են համապարփակ և ընդլայնված գործընկերության համաձայնագրով ստանձնած հանձնառություններից:

Բարեփոխումների ընթացքի արդյունավետության ավելացման ու դրանց արդյունքները մեր քաղաքացիներին ավելի հասանելի դարձնելու նպատակով քիչ առաջ ծրագրեցինք դիմակայունության ու աճի պլանի ներքո 2025-2027թթ. ֆինանսավորման համաձայնագիրը, որով սահմանեցինք հավակնոտ միջոցառումներ՝ մասնավորապես արտահանման դիվերսիֆիկացիայի, վիզայի ռեժիմի ազատականացման և հանրային ֆինանսների կառավարման կարևորագույն ոլորտներում: Առանձնահատուկ կենտրոնացանք տարածաշրջանային կապակցվածության հարցերին և այդ համատեքստում պայմանավորվեցինք շարունակել աշխատանքները «Կառավարության խաչմերուկ» նախաձեռնության, ԹՐԻՓՓ երկաթուղու և ԵՄ միջտարածաշրջանային կապակցվածության իրականացման ուղղություններով: Ուրախ եմ արձանագրել, որ հանձնակատարը վերահաստատեց ԵՄ աջակցությունը Հայաստանի ինտեգրմանը՝ տրանսպորտային ուղուն»,- նշել է նա: