Պուտինն ու Ալիևը հեռախոսով քննարկել են Հայաստանի և Ադրբեջանի միջև խաղաղության պայմանագրի նախապատրաստումը

Այսօր հեռախոսազրույց է տեղի ունեցել ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի միջև։ Այս մասին հայտնում են Կրեմլից։

Նշվում է, որ Պուտինն ու Ալիևը քննարկել են  Անդրկովկասում տիրող իրավիճակը, այդ թվում՝ Հայաստանի և Ադրբեջանի միջև խաղաղության պայմանագրի նախապատրաստման, սահմանի սահմանազատման և սահմանազատման, երկու պետությունների միջև տրանսպորտային հաղորդակցությունների ապաշրջափակմանը վերաբերող հարցեր։

«Այդ կապակցությամբ ռուսական կողմը հաստատել է իր պատրաստակամությունը  շարունակել աջակցել Բաքվին և Երևանին կարգավորման համար փոխընդունելի  լուծումներ մշակելու հարցում»,- նշված է հաղորդագրության մեջ։ 

Պուտինը և Ալիևը գոհունակություն են հայտնել ՌԴ նախագահի՝ վերջերս Ադրբեջան կատարած պետական այցի հաջող արդյունքների կապակցությամբ։