Բագրատ Սրբազանին ու մյուսներին ձերբակալած իրավապահները պետական պարգևի կարժանանան. Փաշինյանի հանձնարարականն է

Երեկ բացահայտվել է Հայաստանի պետականության, անվտանգության ու կայունության դեմ նախապատրաստվող հանցագործություն, կառավարության այսօրվա նիստում հայտարարեց վարչապետ Նիկոլ Փաշինյանը։

«Բանականաբար, կանխվել է այդ պլանի իրագործումը»,- ասաց նա։

Փաշինյանը շնորհակալություն հայտնեց իրավապահ համակարգի բոլոր ներկայացուցիչներին։

«Առավոտյան հարցը քննարկել եմ ՀՀ նախագահի հետ, կարծում եմ, որ ԱԱԾ-ի, դատախազության, քննչական կոմիտեի, ՆԳՆ ոստիկանության առավել արդյունավետ գործած աշխատակիցներին պետք է ներկայացնենք պարգևատրման ու պետական պարգևի»,- հայտարարեց նա։

Փաշինյանը համոզված է՝  արդյունավետ քննություն տեղի կունենա, հետագա ընթացքի մասին իրավապահները հանրությանը կիրազեկեն։