Ընթանում ենք դեպի ճշմարտության բաղձալի հաղթանակը, որը շատ-շատ մոտ է․ Բագրատ Սրբազան

Համազագային հանրահավաքի ժամանակ Բագրատ Սրբազանն իր խոսքն սկսեց՝ առաջին հերթին խոնարհում հայտնելով մեր հերոս տղաներին, մեր նահատակ եղբայրներին ու հայրերին։

Բագրատ Սրբազանն առանձին խոնարհում հայտնեց նաև զոհված հերոսների ծնողներին, որոնց նա կոչում է մեր հայրենիքի մայրեր ու հայրեր։

«Մեր խնդրանքն է թե՛ երկնքին ու թե՛ երկրին՝ առաջնորդելու մեր շարժումը դեպի հաղթական ավարտ»,- խոսքն այսպես շարունակեց Բագրատ Սրբազանը՝ հավելելով՝ «Տավուշը հանուն հայրենիքի» շարժումը, իսկ ժողովրդի կողմից հռչակված Սրբազան պայքարը ընթանում է դեպի հաղթանակ։

«Համբերատար, հստակ օրակարգով, վստահ ուղեգծով ընթանում է դեպի բաղձալի ճշմարտության հաղթանակը, որը սարերի հետևում չէ և դեռ ավելին, շատ-շատ մոտ է»,- հայտարարեց Սրբազանը։