Կադիրովը հրապարակել է իր առաջին գրառումը Թուրքիայում իր փրկության մասին լուրերից հետո

Չեչնիայի ղեկավար Ռամզան Կադիրովը ՝ Բոդրումում խեղդվելուց հազիվ փրկվելու մասին թուրքական լրատվամիջոցների հաղորդագրություններից հետո իր թելեգրամյան ալիքում հրապարակել է իր առաջին գրառումը։

Կադիրովը հրապարակումը նվիրել է Ուկրաինայի զինված ուժերի (ԶՈՒ) գերի ընկած զինվորին։ Տեքստը պատմում է Կադիրովն առաջին դեմքից, սակայն գրառմանը կից տեսանյութի կադրերում ինքը չի երևում։ Անհնար է որոշել՝ երբ է այդ տեսանյութը պատրաստվել, քանի որ մեսինջերը հետաձգված հրապարակումների գործառույթ ունի։ Գրառումը քաղաքական գործչի թելեգրամյան ալիքում հայտնվել է Մոսկվայի ժամանակով 16:11-ին։

Հուլիսի 25-ին մի քանի թուրքական լրատվամիջոցներ լուր հրապարակեցին, ըստ որի Ռամզան Կադիրովը քիչ է մնացել խեղդվի Բոդրումում հանգստանալիս։ Լրագրողները հայտնել են, որ Չեչնիայի ղեկավարը ծով մտնելուց և ջրում սուզվելուց անմիջապես հետո հանկարծակի սկսել է գիտակցությունը կորցնել։

Լրատվական պորտալների տվյալներով՝ խեղդվող Կադիրովին նկատել են ափամերձ պահպանության աշխատակիցները։ Քաղաքական գործչին դուրս են բերել ջրից և առաջին բուժօգնություն են ցուցաբերել։ Դրանից հետո, ինչպես հաղորդում են լրատվամիջոցները, Կադիրովը տեղափոխվել է մասնավոր կլինիկա։ Նրա վիճակը գնահատվում է կայուն, նշում են աղբյուրները։ Ինքը՝ Կադիրովը, և նրա ընտանիքի անդամներն այդ տեղեկությունը չեն մեկնաբանել։