ԱՄՆ-ն և Չինաստանը ժամանակավորապես 115%-ով նվազեցրել են միմյանց նկատմամբ մաքսատուրքերը
May 12, 2025
1 min read
Վաշինգտոնը և Պեկինը ժամանակավորապես 115%-ով կնվազեցնեն մաքսատուրքերը. հայտարարել է ԱՄՆ ֆինանսների նախարար Սքոթ Բեսենտը. հայտնում է BBC ռուսական ծառայությունը։
Պաշտոնյան ասել է, որ համաձայնության են հասել 90 օրով միմյանց նկատմամբ սահմանված պատժամիջոցները 115%-ով նվազեցնելու մասին՝ մինչ առևտրային տարաձայնությունները վերացնելու ուղղությամբ բանակցությունները կշարունակվեն։
Ավելի վաղ թե՛ ամերիկյան, թե՛ չինական կողմերը մայիսի 10-11-ին Ժնևում անցկացված բանակցություններում առաջընթաց էին արձանագրել։
