Փաշինյանի խմբակցությունն ընդդիմությանը մեղադրում է «ահաբեկիչներին» օգնելու մեջ
- Elen Hovsepyan
- Jul 3
- 1 min read
Իշխող «Քաղաքացիական պայմանագիր» խմբակցությունը հուլիսի 3-ին Ազգային ժողովի արտահերթ նիստում ներկայացրել է «Բռնության ճանապարհով պետական իշխանությանը տիրանալու անթույլատրելիության եւ ժողովրդավարության պաշտպանության» մասին Ազգային ժողովի հայտարարության նախագիծը։
«Քաղաքացիական պայմանագիր» կուսակցության կարծիքով՝ Ազգային ժողովը պետք է իր գնահատականը տա «ՀՀ-ի դեմ պլանավորված ահաբեկչության փաստին»։
Ավելի վաղ, իշխող կուսակցության խորհրդարանական խմբակցության ղեկավար Հայկ Կոնջորյանն իր Facebook-ի էջում գրել էր, որ «ահաբեկչական խմբի» անդամներն ու առաջնորդներն ընդդիմադիր խորհրդարանական խմբակցությունների հետ սերտորեն կապված անձինք են և որ նրանց առաջնորդները, որոնք վերջերս բողոքի ցույցեր են կազմակերպել Հայաստանում, կոչ են արել իշխանափոխության, երբեմն հնչեցնելով հանրապետության ընտրված իշխանությունների դեմ բացահայտ բռնության կոչեր։
«Ազգային ժողովը խստորեն դատապարտում է 2025 թվականի հունիսին Հայաստանի Հանրապետության իրավապահ մարմինների կողմից բացահայտված ահաբեկչության փորձը, որն ուղղված է Հայաստանի Հանրապետության ինքնիշխանության, սահմանադրական կարգի և օրինական իշխանության դեմ։
Սահմանադրական կարգը տապալելու կամ ահաբեկչություն իրականացնելու նպատակով ձեռնարկված ցանկացած գործողություն, համաձայն ՀՀ Սահմանադրության և գործող օրենսդրության, կենթարկվի ամենախիստ պատժի։ Իշխանությունը զավթելու փորձերը՝ ահաբեկչության և բռնության միջոցով, ուղղակի հարված են ՀՀ-ի և նրա ժողովրդի ինքնիշխանությանը», - ասել է Կոնջորյանը՝ ելույթ ունենալով խորհրդարանի ամբիոնից։
Ավելի վաղ, Հայաստանի քննչական կոմիտեն հայտարարել էր, որ երկրում կանխվել է ահաբեկչական հարձակման և իշխանության զավթման փորձը։ Քննչական կոմիտեի տվյալներով՝ այս ամենը ծրագրվել է «Սրբազան պայքար» շարժման առաջնորդների և մասնակիցների կողմից։
Խորհրդարանական ընդդիմությունն, իր հերթին, հրաժարվել է մասնակցել այս հարցի քննարկմանը: «Հայաստան» ընդդիմադիր դաշինքի խորհրդարանական խմբակցության քարտուղար Արծվիկ Մինասյանը հայտարարել է, որ այս հայտարարության նախագիծը ոչ այլ ինչ է, քան միջամտություն «Սրբազան պայքար» շարժման ակտիվիստների գործերը քննող քննչական մարմինների աշխատանքին:
