Զելենսկին ստորագրել է Ուկրաինայի՝ ՌԴ-ին աջակցող քաղաքացիներին պետական ​​պարգևներից զրկելու մասին օրենք

Ուկրաինայի նախագահ Վլադիմիր Զելենսկին օրենք է ստորագրել, ըստ որի՝ պետական պարգևներից զրկում է Ուկրաինայի այն քաղաքացիներին, որոնք աջակցում են Ռուսաստանին։ Փաստաթուղթը, ՏԱՍՍ-ի փոխանցմամբ, հրապարակվել է Գերագույն Ռադայի կայքում։

Համապատասխան օրինագիծն Ուկրաինայի խորհրդարան է մտցվել ամռանը, այն նախաձեռնել է անձամբ Զելենսկին։ Այն ժամանակ նա բացատրել էր, որ օրենքն ուղղված է լինելու նրանց դեմ, ովքեր նախկինում արժանացել են Ուկրաինայի հերոսի կոչման, Արժանիքի շքանշանի և այլ պարգևների, իսկ այժմ աջակցում են Ռուսաստանի Դաշնությանը։