Այս երիտասարդն արժանի չէր սպանվել Ալիևի էգոյի պատճառով․ Թանկյանը՝ զոհված Ռուդիկ Ղարիբյանի մասին
Nov 20, 2022
1 min read
Աշխարհահռչակ ռոք երաժիշտ Սերժ Թանկյանն իր ֆեյսբուքյան էջում գրառում է արել հայ-ադրբեջանական սահմանային իրավիճակի վերաբերյալ։ Գրառմանը կից հրապարակել է 3 զոհերից մեկի՝ Ռուդիկ Ղարիբյանի լուսանկարը։
«Հայաստանի և հայերի նկատմամբ Ադրբեջանի ագրեսիան մշտական պատերազմական հանցագործություն է։ Այս երիտասարդն արժանի չէր սպանվել բռնակալ Ալիևի էգոյի պատճառով: Սա Ռուդիկ Ղարիբյանն է Լոռու Ալավերդի քաղաքից։ Նա մեկ ամսից պետք է ավարտեր իր երկամյա ծառայությունը։ Ադրբեջանական զինուժի կողմից 19-ամյա Ղարիբյանը սպանվել է»։
Սերժ Թանկյանը գրառման ավարտին մեջբերել է Ռուդիկի 2021 թվականի հրապարակումը․
«Գնում եմ, բայց կվերադառնամ՝ միշտ ժպտալով»։
