«Ամեն ջանք գործադրվում է՝ քողարկելու պատերազմից առաջ և հետո տեղի ունեցածը»․ Տիգրան Աբրահամյան

«Եռաբլուր» զինվորական պանթեոնում, պատասխանելով հարցին՝ ինչո՞ւ ցայսօր իշխանությունը համարձակություն չունի հրապարակելու զոհերի ամբողջական ցուցակը, ԱԺ ընդդիմադիր պատգամավոր Տիգրան Աբրահամյանն ասել է․ «Առհասարակ կարծում եմ, որ ամեն ջանք գործադրվում է քողարկելու այն ամենը, ինչ տեղի է ունեցել պատերազմից առաջ, այդ օրերին և հետո, երկրորդը՝ պետության վերաբերմունքը, որն արտահայտված է երկրի առաջին դեմքերի միջոցով, ցույց է տալիս նաև անարգանք նրանց նկատմամբ, ովքեր նվիրյալներ են ու իրենց կյանքը զոհաբերել են հանուն ՀՀ-ի։ Այն իշխանությունը, որը չի գիտակցում մարդկային սխրանքները, նրանից որևէ ակնկալիք չենք էլ կարող ունենալ»։