Թող գան, տանեն․ Միքայել արքեպիսկոպոս Աջապահյան
- Elen Hovsepyan
- Jun 25
- 1 min read
Անկախությունից ի վեր Հայաստանում հերթական աննախադեպ խայտառակությունը տեղի ունեցավ․ Հայ Առաքելական եկեղեցու սրբազան հայրերից մեկին՝ Բագրատ Գալստանյանին, ԱԱԾ-ն բերման ենթարկեց ու տարավ Քննչական կոմիտե։ Նրա հետ բերման ենթարկեց նաև սարկավագներից մեկին՝ Հրայր սարկավագ Հակոբյանին։
«Այո՛, սա աննախադեպ երևույթ է, բայց ի՞նչ կարող է անել եկեղեցին։ Մենք էլ գնանք իշխանությա՞նը ձերբակալենք»,- MediaHub-ի հետ զրույցում Բագրատ Գալստանյանի բերման ենթարկվելու մասին հարցին այսպես արձագանքեց Շիրակի թեմի առաջնորդ Միքայել արքեպիսկոպոս Աջապահյանը։
Նրա խոսքով՝ այս իշխանությունը դեռ 2020-ին է հատել բոլոր կարմիր գծերը, և ինքն այդ ամենի մասին դեռ 5 տարի առաջ է խոսել։
«Ի՞նչ ասեմ, աննախադեպ բան է, բայց եկեղեցին որևէ քայլ չի կարող անել»,- նշեց նա։
Դիտարկմանը, որ ինքն էլ է իշխանության թիրախում, Միքայել Աջապահյանն արձագանքեց՝ թող գան, տանեն։«Սիրով, սիրով, թող գան, տանեն, տեսնեմ՝ ինչ կարող են անել»,- նշեց նա։
Ճշտող հարցին, թե արդյո՞ք այս փուլում եկեղեցին լուռ հետևողի դերում է լինելու, Միքայել սրբազանը պատասխանեց՝ այո։
Նարե Գնունի
