Մենք սկզբից ի վեր Ադրբեջանին և Հայաստանին խրախուսել ենք խաղաղություն հաստատել. Էրդողան
- Elen Hovsepyan
- Sep 23
- 1 min read
«Մենք սկզբից ի վեր Ադրբեջանին և Հայաստանին խրախուսել ենք խաղաղություն հաստատել, և շարունակում ենք դա անել»,- ՄԱԿ-ի Գլխավոր ասամբլեայում իր ելույթի ժամանակ հայտարարել է Թուրքիայի նախագահ Ռեջեփ Թայիփ Էրդողանը։
Թուրքիայի նախագահը գոհունակություն է հայտնել օգոստոսի 8-ին Վաշինգտոնում Հայաստանի և Ադրբեջանի ղեկավարների միջև անցկացված հանդիպման արդյունքներից։
«Ես կրկին շնորհավորում եմ ԱՄՆ նախագահ Դոնալդ Թրամփին այս գործընթացում ունեցած ներդրման համար, ինչպես նաև Ադրբեջանի հարգարժան նախագահ Իլհամ Ալիևին և Հայաստանի վարչապետ Նիկոլ Փաշինյանին»,- ասել է Էրդողանը։
Նա հավելել է, որ Թուրքիայի և Հայաստանի միջև հարաբերությունների կարգավորման գործընթացը ևս շարունակվում է։
