ԱՄՆ նախկին փոխնախագահը հայտնել է, որ չի կարող «մաքուր խղճով» աջակցել Թրամփի թեկնածությանը

ԱՄՆ նախկին փոխնախագահ Մայք Փենսը ուրբաթ հայտնել է, որ «չի կարող մաքուր խղճով» աջակցել Դոնալդ Թրամփի թեկնածությանը։

«Դոնալդ Թրամփը հետեւում է մի օրակարգի, որը հակասում է պահպանողական օրակարգին, որով մենք առաջնորդվել ենք չորս տարի։ Ահա թե ինչու չեմ կարող հանգիստ խղճով աջակցել Դոնալդ Թրամփին»,- ասել է Փենսը Fox News հեռուստաալիքի եթերում։

Փենսը հայտնել է, որ թեեւ «հպարտանում» է ԱՄՆ նախորդ վարչակազմի ձեռքբերումներով, որտեղ նա զբաղեցրել է փոխնախագահի պաշտոնը, իր կարծիքով, նախկին նախագահը հեռացել է պահպանողական հարցերից՝ ակնարկելով Թրամփի դիրքորոշումը աբորտների եւ TikTok-ի հարցերում։

«Նախագահական քարոզարշավի ժամանակ ես հստակ հասկացրել  եմ, որ իմ եւ նախագահ Թրամփի միջեւ խոր տարաձայնություններ կան մի շարք հարցերի վերաբերյալ»,- ասել է Փենսը։

«Ես տեսնում եմ, որ նա հրաժարվում է ազգային պարտքի պայքարի մեր պարտավորություններից։ Ես տեսել եմ, թե ինչպես է նա սկսել շեղվել մարդկային կյանքի սրբազան լինելու սկզբունքից։ Իսկ անցած շաբաթ նա հրաժարվեց Չինաստանի հանդեպ կոշտ միջոցներից եւ աջակցեց մեր վարչակազմի ջանքերին TikTok ընկերությանը ByteDance վաճառելու հարցում»,- ավելացրել է նա։

Փենսը չի տեղեկացրել, սակայն,  թե ում օգտին է քվեարկելու 2024թ. ընտրություններում՝ ասելով, որ «իր ձայնը կպահի իրեն»։ Սակայն հայտնել է, որ «երբեք չի քվեարկի ԱՄՆ նախագահ Ջո Բայդենի օգտին»։ Փենսը նաեւ հայտնել է, որ չի աջակցի երրորդ կուսակցության թեկնածուին։

Փենսը բոսի հետ տարակարծիք է 2020թ. ընտրությունների արդյունքները չչեղարկելու որոշման մեջ, երբ նա հետեւում էր, թե ինչպես է Կոնգրեսը հաղթանակը շնորհում Բայդենին 2021թ. հունվարի 6-ին։ Ավելի ուշ Փենսը հայտնել է, որ Թրամփի «անխոհեմ խոսքերը» այն օրը, երբ նրա կողմնակիցների ամբոխը բռնության կիրառմամբ ներխուժեց ԱՄՆ Կապիտոլիում, «սպառնալիքի տակ դրեցին» նրա ընտանիքին եւ այլ մարդկանց ԱՄՆ Կապիտոլիումում։