Լիբանանը կոչ է արել միջազգային հետաքննություն անցկացնել Գոլանի բարձունքների հրթիռակոծման վերաբերյալ
- Elen Hovsepyan
- Jul 28, 2024
- 1 min read
Լիբանանի արտաքին գործերի նախարար Աբդալլահ Բու Հաբիբը կոչ է արել միջազգային հետաքննություն անցկացնել Իսրայելի գրաված Գոլանի բարձունքներում 12 երեխաների և դեռահասների մահվան պատճառ դարձած հարձակման վերաբերյալ՝ զգուշանալով լայնածավալ պատասխանից:
Հայտարարության մեջ Լիբանանի արտաքին գործերի նախարարը պնդել է անկախ հետաքննություն անցկացնել՝ «ճշմարտությունը պարզելու համար», թե ով է պատասխանատու հարձակման համար:
Հիշեցնենք, որ Իսրայելը մեղադրում է լիբանանյան «Հեզբոլլահ» շարժմանը Գոլանի բարձունքներում Մաջդալ Շամսի հրթիռակոծության համար։
«Հեզբոլլահն» իր հերթին հերքում է իր առնչությունը:
