top of page

Արարատ Միրզոյանի հետ Ալմաթիում բանակցությունները խաղաղության գործընթացի կարևոր մաս են. Ջեյհուն Բայրամով

Խաղաղության պայմանագրի շուրջ ինտենսիվ բանակցությունները վերսկսվել են փետրվարից, այս մասին ասել է Ադրբեջանի արտգործնախարար Ջեյհուն Բայրամովը։

Նա դրական է գնահատել Երևանի հետ խաղաղ գործընթացի զարգացումը։

Ադրբեջանի արտգործնախարարը նշել է, որ ակնկալիքները պետք է լինեն տեղին ու իրատեսական։

«Սա շատ բարդ և անհրաժեշտ գործընթաց է։ Խաղաղության պայմանագիրը պետք է լինի արդար՝ հիմնված միջազգային իրավունքի վրա: Նաև, իհարկե, հաշվի են առնվում հակառակ կողմի ակնկալիքները: Ալմաթիում բանակցությունները դարձան հաջորդ քայլը։ Սա մե՞ծ, թե՞ փոքր քայլ է՝ մենք կիմանանք միայն գործընթացի վերջում: Բայց ես կասեմ, որ սա գործընթացի կարևոր մասն է»,- նշել է Բայրամովը։

Նրա խոսքով՝ կողմերը պայմանավորվածություն են ձեռք բերել շարունակել բանակցությունները։

«Կարծում եմ՝ առաջիկայում սրա ականատեսը կլինենք»,- հավելել է Ադրբեջանի ԱԳ նախարարը։

1/1970
bottom of page