«Փաշինյանի վերընտրվելը ցեղասպանությունից հետո ամենամեծ ողբերգությունը կլինի»․ Արա Աբրահամյան

Եթե ՀՀ վարչապետ Նիկոլ Փաշինյանն ընտրություններից հետո մնա, դա կլինի Հայաստանի ողջ պատմության մեջ ամենամեծ ողբերգությունը ցեղասպանությունից հետո, ՌԻԱ Նովոստիին տված հարցազրույցում ասել է Ռուսաստանի հայերի միության ղեկավար Արա Աբրահամյանը։«Իհարկե, նա (Փաշինյանը) վախենում էր, որ եկեղեցին կմիավորի հայերին և կասի՝ «Մի՛ քվեարկեք նրա օգտին»։ Եկեղեցին հասկանում է, որ չպետք է քվեարկել նրա օգտին։ Սա ողբերգություն կլինի հայ ժողովրդի համար։ Հայաստանի ողջ պատմության մեջ ամենավատ ողբերգությունը, որը երբևէ տեղի է ունեցել, բացի ցեղասպանությունից, իհարկե», - ասել է Աբրահամյանը։Նրա խոսքով՝ Փաշինյանը պետք է քաջություն ունենա և ասի, որ հրաժարական է տալիս, «սա իսկապես խիզախ քայլ կլիներ»։

Միևնույն ժամանակ, խոսելով այն մասին, թե որքանով է դա հնարավոր, Աբրահամյանը նշել է, որ «երբեմն հրաշք տեղի է ունենում, գուցե հայ ժողովրդի համար նույնպես հրաշք լինի, նվեր»։