Երազախաբ են լինելու, շարժումը չի կարող մարել. Գառնիկ Դանիելյան

Երազախաբ են լինելու, շարժումը չի կարող մարել, որովհետև շարժումն ի սկզբանե ունեցել է հստակ նպատակներ և ծրագրեր, սուրբ Աննա եկեղեցու բակում լրագրողների հետ զրույցում ասաց ԱԺ «Հայաստան» խմբակցության անդամ Գառնիկ Դանիելյանը։

«Այն մարդիկ, որոնք փորձում են թե՛ ներսից, թե՛ դրսից ցեխ շպրտել շարժման վրա, փորձել արատավորել այն, իրենց մոտ չի ստացվելու։ Այս օրերին բազմիցս ականտես եմ եղել, թե ինչպես իշխանական գրչակները, կամ այն մարդիկ, ովքեր եկել են Կիրանց և փորձել իրենց աջակցությունը հայտնել կիրանցիներին, հիմա փորձում են իրենց կեղտոտ ծրագրերով կամ խոսույթով խոչընդոտել շարժմանը։ Դա որևիցե մեկի մոտ չի ստացվելու»,-ասաց Գառնիկ Դանիելյանը։