Գժային վիճակում ենք, ես 85 տարի ապրում եմ երևանում և այսպիսի գներ չեմ տեսել. Հարցում
- 4 hours ago
- 1 min read
ԱԺ ընտրությունների քարոզարշավի ժամանակ Նիկոլ Փաշինյանը մշտապես շեշտում էր, որ թոշակները բարձրացել են, բայց և երբեմն կես խոսքով արձանագրում, որ թանկացումներ էլ են լինելու։ Ինչպես է հասարակությունը, հատկապես թոշակառուները արձագանքում թանկացումներին։ Խնդիրը պարզելու համար Panorama.am-ը հարցում անցկացրեց քաղաքացիների շրջանում;
Հարցման հիմնական թեզերն՝ ստորև։
Տես նաև՝ Ռուսը չլինի, ո՞վ են սրանք․ Հարցում՝ Նիկոլ Փաշինյանի Ռուսաստանի նկատմամբ վարած քաղաքականության մասին
-Գժային վիճակում ենք, ես 85 տարի ապրում եմ երևանում և այսպիսի գներ չեմ տեսել։ Ցնցող գներ են։ Երևի ժամանակներն են փոխվել են, բայց դե այդքան չի կարելի փոխվել։
-Բարձրացված թոշակները դեղերիս չի հերիքում։ Չեմ գնում պոլիկլինիկա, որովհետ այդ անվճարը չեմ ընդունում, որ բարդություններ չլինեն։ Թող դեղերը էժանացնեն, ոչ թե թոշակը բարձրացնեն։
-Ոչ թե թոշակ է բարձրացրել, այլ շատ շատերին է սատկացրել։ էնտեղից տալիս է այստեղից հանում, մի գրպանում դնում է մյուսից հանում։
-Թանկացել է, ամեն ինչ էլ թանկացել է։ Մենք այստեղ ապրանք չունենք սաղ դրսից է գալիս; Թոշակ են բարձրացրել, յոլա ենք գնում։
-Արքայական փափուկ կյանքը կոշտացնում է մարդու հոգին, այ այդպես են վերաբերվում ժողովրդին։
-Շատ թանկ է մենք թոշակառուներս չենք կարա գնանք ինչ-որ մի տեղ մտնենք բան առնենք։ Փոքր խնձորը 500 դրամ է, ես դա չեմ կարա առնեմ, ուտեմ։ Ես էլ գնում եմ որտեղ էժան են տալիս, հավատարիմ մարդկանց համար, առնում բերում ուտում եմ։
